Проблеми за Баерн – Ноер се повреди, „Билд“ најавува долга пауза?

Карло Анчелоти и Баерн Минхен се соочуваат со сериозни проблем.

Имено, како што пренесува германски „Билд“, германскиот гигант би можел да остане неколку месеци без фантастичниот голман, Мануел Ноер.

Според последните информации, Ноер заработил скршеница на стапалото, па се очекува да го пропушти првиот дел од сезоната.

Од Баерн сеуште не се огласиле по повод ваквите информации на германскиот медиум, но познато е дека клубот и „Билд“ не се во најдобри односи, па можеби и да ја негираат оваа вест.

Ноер оваа сезона настапи на три натпревари во Бундеслигата, вклучувајќи го и последниот против Мајнц во кој ги одигра сите 90 минути.