Претседателот на Лацио го понижи Србинот како никој друг: „Ми се јави на телефон и ме молеше, сите знаете зошто оди таму“

Српскиот репрезентативец Сергеј Милинковиќ-Савиќ по се изгледа ќе ја продолжи кариерата во Саудиска Арабија каде ќе потпише за Ал Хилал и по осум години ќе го напушти Лацио.

Ваквата одлука не му се допаднала на претседателот на римскиот клуб, Клаудио Лотито, кој откри каков повик добил од играчот од Србија.

Милинковиќ-Савиќ пристигна во Лацио летото 2015 година од Генк за 12 милиони евра и се покажа како еден од најдобрите трансфери на римскиот клуб во последните неколку децении.

Во текот на претходните години се шпекулираше дека овој 28-годишен фудбалер ќе направи трансфер во кариерата и ќе потпише за некој од европските гиганти, а Лацио со негова продажба ќе заработи над 100 милиони евра, но стана јасно дека од такво сценарио нема ништо.

Милинковиќ-Савиќ очигледно реши дека е време да го напушти Лацио и беше силно поврзуван со трансфер во Манчестер Јунајтед и Јувентус, а овие клубови беа подготвени да платат околу 30 милиони евра за него.

Со оглед на тоа дека има договор уште една година, тоа е многу солидна сума на пари, но популарниот СМС го смени неговиот став. Ниту тој не може да им одолее на милионите од Саудиска Арабија, и на чекор е од потпис со Ал Хилал.

Милинковиќ-Савиќ ќе потпише тригодишен договор со Ал Хилал и ќе заработува над 20 милиони евра годишно, што е многу повеќе од она што му го понудија Јувентус и Јунајтед.

Заминувањето на српскиот играч за врска го потврди и претседателот на Лацио, кој изјави дека Милинковиќ-Савиќ му се јавил на телефон и го молел да ја прифати понудата на Ал Хилал, а очигледно е дека Лотито не е баш среќен што си заминува од Римскиот клуб на таков начин по осум години.

„Ако некој сака да оди во Саудиска Арабија, главната и единствена причина се парите и тоа на сите им е јасно. Што да правиме ако некој толку многу сака да го напушти клубот? Јас имам добри односи со него и на крајот тој е тој што одлучува. Ми се јави на телефон и ме молеше да го пуштам и да ја прифатам таа понуда. Ќе земе огромна сума пари и затоа оди таму“, изјави Лотито.