Премиер лигата во новата сезона со ново правило!

Новата сезона во Премиер лигата ќе донесе и едно ново правило поврзано со фудбалерите кои имаат желба да симулираат.

Една од најзначајните промени во правилата во сезоната која наскоро ќе започне во Премиер лигата е поврзано со фудбалерите кои се обидуваат да изглумат прекршок. Оние фудбалери кои ќе одглумат прекршок и кои ќе се превртуваат по теренот, глумејќи повреда ќе бидат суспендирани.

Предвидено е суспензијата да биде во траење од два натпревари.

За спорните моменти ќе одлучува комисијата која ќе биде составена од еден поранешен судија, поранешен менаџер и поранешен фудбалер. Комисијата ќе одлучува само во случај судијата да не ја санкционира симулацијата и не ја наведе во својот извеатај после натпреварот.

Арбитрите ќе имаат право и да ги исклучат играчите ако проценат дека тежината на симулирањето одговара за таква санкција.