Премиерлигашите се „тепаат“ за играчот на Мехенгладбах

Клубовите од Премиер лигата, пред се Ливерпул, се заинтересирани за услугите на фудбалерот на Борусија Мехенгладбах, Денис Закарија.

Станува збор за 24- годишен фудбалер од средниот ред кој импресионира оваа сезона со настапите во Бундеслигата.

Закарија може да игра на сите позиции во средниот ред, а „Билд“ пренесува дека Ливерпул веќе стапил во контакт со неговиот агент и е спремен да плати 40 милиони евра.

Интерес за швајцарскиот репрезентативец покажуваат уште Тотенхем, Манчестер Јунајтед и Баерн Минхен, па поради тоа „црвените“ брзаат и сакаат да ја победат конкуренцијата.