Првиот човек на Шкупи: Вардар е најголемиот клуб во Македонија, жално е тоа што му се случува

Денес менаџментот на ФК Шкупи организираше средба со новинарите, а во таа прилика првиот човек на Шкупи, Олгуин Ајдин зборуваше и за испаѓањето на Вардар од првата лига.

За првиот човек на Шкупи испаѓањето на Вардар е голем срам за Македонија.

„Тоа што Вардар испадна од првата лига е голем срам за Македонија. Вардар е најголемиот клуб во државава, има огромна историја и традиција и такво нешто не може да купите со Пари. Жално е тоа што му се случува, сметам дека не смееше да се дозволи такво нешто. Решение мораше да се најде. Во Турција има закон каде што секој што спонзорира тим е ослободен од плаќање данок, верувам ако таков закон постоеше тука Вардар немаше да испадне“, изјави првиот човек на ФК Шкупи.