По сензационалниот пораз Мурињо направи шоу: Ова беше брилијантен ден за фудбалот!

Maнчестер Јунајтед скоро и да се предаде во борбата за титулата шампион на Англија, а сега стигна и шокатното испаѓање од четвртфиналето во Лига купот.

Жозе Мурињо на почетокот на сезоната најави, напад на титулата на сите четири фронта, но веќе во декември остана без два.

Десет дена после домашниот пораз од градскиот ривал Сити во првенството со кој „граѓаните“ побегнаа на 11 бода, Јунајтед вчера беше поразен од Бристол во Лига купот.

„Покажавме дека знаеме како да победиме и дека знаеме как ода изгубиме. Бристол имаше малку среќа. Но се бореа како животот да им зависи од овој натпревар. Ова беше брилијантен ден за фудбалот. Им честитам и им посакувам да се пласираат во полуфиналето“, изјави Мурињо.