Почина тренерот кој и донесе прва европска титула на Франција

Мишел Идалго, селекторот што ја предводеше Франција до првиот интернационален трофеј на Евро 1984 година, почина на 87 години.

Идалго од 1976 до 1984 година ги водеше „троколорите“ освојувајќи европска титула во 1984 година на ЕП во Франција. По истекот на селекторскиот мандат, четири години беше технички директор на француската репрезентација а пет години спортски директор на Марсеј.

„Франција загуби една легенда. Мишел Идалго беше мозокот зад возбудливиот тим, кој стигна до полуфиналето на СП во 1982 и победи на Евро 1984. Почивај во мир и мерси за сеќавањата, Мишел“, порачаа од ФИФА.

Како фудбалер, Идалго играше за Ле Авр, Ремс и Монако, освојувајќи три титули, со Ремс во 1955 и со Монако во 1961 и 1963.