Почина познатиот ракометен работник Филип Христов

Денес ненадејно почина Филип Христов, човек кој целиот свој живот му го посвети на ракометот.

Христов беше дел од Натпреварувачката комисија на Ракометната федерација на Македонија (РФМ), а исто така во Металург работеше на повеќе функции и помогна во подемот и успесите на овој клуб.

Христов раководеше и со женскиот дел на екипата и на негов предлог поранешниот женски клуб РК Скопје, се фузира со новоформираниот Металург.