После 25 години Интер прави голема промена на дресот

Италијанската „Газета дело Спорт“ пренесува дека Интер после 25 години ќе бара нов спонзор на дресот.

Уште од сезоната 1994/1995 на предната страна на дресот на црно-сините стои брендот „Пирели“, познатиот производител на гуми за автомобили.

Со оглед на работните врски на сопствениците изгледа Интер бара нов спонзор во Азија. Евергранде, Хисенсе и Самсунг засега се најголеми фаворити во трката. Се очекува од новиот спонзор Интер да добие сума од 30-35 милиони евра.

Како и бројни други клубови и Интер е погоден од кризата сред пандемијата и на секој начин „нероаѕурите“ се обидуваат да дојдат до нови приходи.