Покетино проговори за Реал: Што ќе се случи, ќе се случи!

Менаџерот на Тотенхем, Маурисио Покетино ја отвори отворена можнсоат да се пресели на клупата на Реал Мадрид.

После заминувањето на Зинедин Зидан, токму Покетино е најголемата желба на „кралскиот“ клуб.

„Реал Мадрид е еден од најголемите клубови во светот. За мене е чест што моето име се поврзува со нив. Што ќе се случи, ќе се случи. Човек секогаш треба да биде спремен за иднината, иако сум задоволен во Тотенхем“, изјави Покетино за шпанските медиуми.

„Јас од сите тренери учам по нешто. Биелса е еден од тренерите поради кои јас станав тренер, но од сите учам по нешто“, додаде Покетино.

Аргентинецот неодамна потпиша нов 5-годишен договор со Тотенхем, па поради тоа англискиот клуб не ни помислува да го ослободи.

Поради тоа шпанските медиуми се погласно шпекулираат дека Реал Мадрид ќе го назначи Гути за нов тренер.