Покетино имал проблем затоа што го избрал Меси за фаворит за „Златната топка“

На 29. ноември ќе биде објавен добитникот на Златната топка.

Лионел Меси и оваа сезона е помеѓу најсериозните кандидати и оваа награда, а се споменуваат и имињата на Мбапе и Нејмар. Покетино претходно изјави дека Меси треба да ја освои Златната топка, за по мечот со Марсеј да открие дека имал проблеми поради таа изјава.

„Имав проблем што кажав дека Меси треба да ја освои Златната топка. Нејмар и Мбапе потоа ме прашаа зошто не сум ги избрал нив. Во секој случај би било добро наградата да ја добие некој играч на ПСЖ, но Лео сигурно ја заслужува“.

Покрај фудбалерите на ПСЖ во потесна конкуренција се споменуваат уште имињата на Бензема и Робер Левандовски.