Познат фаворитот за нов тренер на Челзи

Челзи денес му врачи отказ на Томас Тухел и сега е во потрага по нов тренер.

„Сините“ ја започнаа сезоната под очекувањата, освоија 10 бода во првите шест кола од Премиер лигата, а последната капка која ја пречи чашата беше поразот од Динамо во Лигата на шампионите.

Според информациите од Островот главен фаворит за наследник на Тухел е менаџерот на Брајтон, Грахам Потер.

Потер го привлече вниманието на „сините“ со добрите резултати и атрактивниот стил на игра, но има договор со Брајтон до 2025 година, па Челзи ќе треба да плати солидна сума за раскина на договорот.

Втората опција е Маурисио Покетино кој е слободен по заминувањето од ПСЖ и наводно раководството веќе стапило во контакт со неговиот агент. Се споменува и Зинедин Зидан, но тоа е најтешка опција за реализација.

🚨 Mauricio Pochettino and Zinedine Zidane could also be approached alongside Graham Potter to take over from Thomas Tuchel at Chelsea!

(Source: @DiMarzio) pic.twitter.com/QtUMnuVLci

— Transfer News Live (@DeadlineDayLive) September 7, 2022