Познат новиот клуб на Кансело: Манчестер Сити добива 35 милиони евра?

Португалскиот лев бек Жоао Кансело во наредните денови ќе го напушти Манчестер Сити.

Од поодамна е јасно дека Пеп Гвардиола не смета на Португалецот кој минатата сезона ја помина на позајмица во Барселона, а претходно во Баерн Минхен, па од почетокот на преодниот рок се чека неговиот трансфер.

Како што стојат работите негов нов клуб би можел да биде Ал Хилал, најсилниот тим во Саудиска Арабија.

Манчестер Сити ќе заработи 35.000.000 евра, што е за 30.000.000 помалку од цифрата што ја платија на Јувентус за неговите услуги пред пет години, но не можеа ниту да ја очекуваат таа сума за играч кој е во втор план и на кого Гвардиола вооошто не смета.

Кансело има 30 години, а причината поради која Пеп не го сака во тимот не се неговите играчки квалитети, туку неговите човечки квалитети, барем така се пишуваше во медиумите.

Претходно Манчестер Сити преговараше и со Барселона за останување на Кансело во каталонскиот гигант, меѓутоа двете страни не успеаа да најдат заеднички јазик околу висината на оштетата.