Познато колкава ќе биде платата на Осимен во Галатасарај

Во текот на вчерашниот ден Виктор Осимен ја официјализираше својата позајмица во редовите на Галатасарај.

Турскиот клуб набрзо по потврдата за трансферот откри и детали од договорот.

Наполи нема да добие ништо за позајмицата, но Галатасарај ќе ги преземе трошоците за неговата плата која изнесува шест милиони евра.

Осимен во Наполи беше „отпишан“ и тренерот Антонио Конте воопшто не сметаше на него, па и затоа Нигериецот прифати преселба во Турција каде што преодниот рок се уште е отворен.

Медиумите шпекулираа и дека има клазула според која ако пристигне адекватна понуда може да потпише за друг клуб во јануари.