Познати детали од договорот кој Шчесни треба да го потпише со Барселона

Според последните информации од шпанските медиуми, Војчех Шчесни ќе се врати од пензија за да потпише договор со Барселона.

Поранешниот голман на Јувентус и Арсенал неодамна објави дека се повлекува од професионалниот фудбал, меѓутоа понудата од каталонскиот гигант изгледа го натерала да се премисли.

Шчесни во последната сезона го чуваше голот на Јувентус од каде што си замина по доаѓањето на Ди Грегорио, а сега одлучил да ја прифати понудата од Барселона која тргна во потрага по голман по повредата на Тер Штеген.

Според најавите Шчесни би потпишал договор вреден три милиони евра со важност до јуни наредната година и во него би биле вклучени одредени бонуси.