Фудбалерот на Барселона Жерар Пике даде интересна изјава за медиумите во Шпанија во која порача дека заминувањето на Пеп Гвардиола позитивно влијаело на неговата кариера во Барселона.
Пике откри дека Гвардиола ја изгубил довербата во текот на последната година од престојот на Шпанецот во Барселона и тој период го опиша како тежок за разлика од првите три сезони.
Данска vs. Македонија: Како тие се справуваат со отпадот, додека ние се расправаме кој е крив?
„Гвардиола од играчите бараше 24/7 да размислуваат за фудбалот и тоа никако не можев да го разберам бидејќи воопшто не е во мојата филозофија. Од тој момент тој изгуби доверба во мене и одлучи да ме изостави за првенствениот натпревар против Реал“, изјави Пике.
Високиот дефанзивец кој веќе 10 години игра во Барселона наведе дека елиминацијата од Челзи во полуфиналето од Лигата на шампионите била причина за зголемување на проблемиот помеѓу нив двајца.
„Таа сезона многу размислував за животот и кариерата. Доколку останеше во Барселона можеби никогаш не би ја вратил неговата доверба, дури можеби сега и ќе играв во друг клуб. За среќа дојде Тито Виланова кој ме врати во почетниот состав“, заврши Пике.
Учество во игри на среќа е дозволено за лица со 18+ години. Играј одговорно!