„Петелот“ од следната сезона ќе пее во Милано

Италијанските медиуми пренесуваат дека примарна цел на Милан во летниот преоден рок ќе биде напаѓачот на Торино, Андреа Белоти.

„Росонерите“ и минатото лето правеа напори да го донесат италијанскиот репрезентативец, но тогаш Торино не сакаше да го продаде напаѓачот за сума помала од 100 милиони евра.

Неговата цена сега драстично падна после слабата сезона на Торино, а особено после слабата сезона на Белоти, кој до сега постигна само 6 гола во Серија А.

„Кориере дело Спорт“ пренесува дека Милан не се откажал од „Петелот“ и сака да го донесе како замена за Никола Калиниќ, кој на лето сигурно ќе го напушти „Сан Сиро“.

Белоти исто така инсистира да го облече „црвено-црниот“ дрес, а Милан е спремен за неговиот потпис да плати помеѓу 45 и 50 милиони евра.