Перез сигурен: Роналдо останува во Реал!

Претседателот на Реал Мадрид, Флорентино Перез, изјавил за шпанските медиуми дека Кристијано Роналдо е лут и навреден, поради обвинувањата упатени на негова сметка, но дека тој нема да го напушти клубот.

Шпанските власти го обвинија Кристиано Роналдо дека затајувал данок, се споменува сума од 14,7 милиони евра, а поради овој случај тој на 31.јули треба да се појави пред судот.

„Кристиано има договор до 2021 година. Занм дека е лут, јас со него сеуште не сум разговарал. Ќе седнеме по Купот на Конфедерации. Роналдо е човек со интегритет, кој ги извршува своите обврски. Тој е лут бидејќи многумина сакаат да му наштетат со приказните за даночното затајување. Разговарав со неговиот менаџер и убеден сум дека ќе остане во Реал“, изјави Перез.