Перез: Отидов во Париз по Ибра, но тој е само еден обичен силеџија

Претседателот на Реал Мадрид, Флорентино Перез сакал да го доведе Златан Ибрахимовиќ на „Сантиаго Бернабеу“ за да игра во тандем со Кристиано Роналдо.

Перез сметал дека на тој начин ќе ја прекине доминацијата на Барселона и заминал во Париз на преговори со Ибра, а сега откри интересни детали.

„Силно сакав да го доведат Ибрахимовиќ додека играше за ПСЖ. Сметав дека во тој момент е на исто ниво со Кристиано Роналдо. Сакав двајцата да играат во тандем за да ја запреме доминацијата на Барселона. Но, како што течеа преговорите сфатив дека него му се поважни парите, отколку да освојува трофеи“, открива Перез.

„Сакаше двојно поголема плата од Роналдо. Состанокот изгледаше како тој да дојде да потпише со мене, а не јас со него. Ми рече дека ќе преговараме само под негови услови. Му реков, во ред, збогум. Тој е обичен силеџија“, додаде Перез.