Долго време се преговара за менување на форматот на Лигата на шампионите. Се додаваат и одземаат клубови, но претседателот на Реал сака да формира „чиста лига“.
Флорентино Перез разговарал со претседателот на ФИФА, Џани Инфантино за формирање на нова лига. Според пишувањето на „Њујорк Тајмс“ Перез инсистира на создавање на ново натпреварување во кое би играле само најелитните и најбогатите клубови. Тоа значи дека не го интересира ниту идејата за новиот формат со 32 клуба во Лигата на шампионите кој се најавува за 2024 година.
Пред дербито, падна најважниот потпис во Манчестер Сити! ↓↓↓
Перез сака натпреварување со 20 клубови, поголем дел од топ 5 првенства. Тоа значи дека тие лиги би можеле да останат без своите најдобри клубови. Замислете ја Премиер лигата без Ливерпул или Манчестер Сити, Ла Лига без Барса или Реал…Тоа би било буквално уништување на домашните првенства на сметка на нова лига. Нема да има судари на „Давид и Голијат“ и тоа можеби ја одзема страста кај навивачите.
Сепак, прашање е и доколку овој предлог биде официјално доставен дали сопствениците на другите клубови ќе сакаат да го следат Перез. Засега изгледа тешко остварливо.
Учество во игри на среќа е дозволено за лица со 18+ години. Играј одговорно!