Пелистер се засили со напаѓач од Победа!

Благоја Спиркоски кој важеше за еден од најдобрите фудбалери во редовите на Победа направи трансфер во Пелистер потврди денес битолскиот клуб.

Спиркоски ќе го засили нападот на „пелистерци“ во битката на овој клуб за враќање во прволигашката конкуренција.

Тој е второто засилување во Битола во овој преоден рок откако претходно потпиша 22-годишниот Марио Наумоски.

Во минатата сезона за Победа Спиркоски постигна 20 гола, а во минатото го носеше дресот на Силекс, Брегалница, Лабуништа…Дресот на македонската репрезентација го носеше во младинските категории до 17 и 18 години.