Пекинг: Надал закажа дуел против Изнер

Нова победа на првиот тенисер во светот на турнирот во Пекинг.

Првиот тенисер во светот, Шпанецот Рафаел Надал денес се пласираше во четвртфиналето на турнирот во Пекинг откако го победи Русинот, Хачанов во два сета (6:3, 6:3).

Шпанскиот тенисер во четвртфиналето ќе игра против Американецот Џон Изнер. Изнер е 17 тенисер во светот и денес го победи Леонард Мајер од Аргентина со 6:0 и 6:3.

Во второто четвртфинале ќе играат подобрите од дуелот помеѓу Бердих и Рубљов, како и мечот кој ќе го одиграат Италијанецот Фонњини и Германецот Зверев.