ПАТОТ КОН БОГАТСТВОТО НА РАИОЛА: Уште една ѕвезда под негова заштита сака да ја продаде за 200 милиони!

Италијанскиот фудбалер, Лоренцо Инсиње во јуни ќе стане нов клиент на суперагентот Мино Раиола.

Инсиње, наводно, ќе ја прифати поканата на Раиола и овој познат агент ќе работи со кариерата на фудбалерот на Наполи, а претходно веќе работеше големи работи за Пол Погба, Златан Ибрахимовиќ, Марио Балотели и Џиџи Донарума.

Раиола во Инсиње гледа одличен потенцијал да направи голема работа. Раиола често ги работи трансферите на своите играчи од клуб во клуб и поради тоа не го сакаат ниту клубовите ниту навивачите, но она што е сигурно – на тие трансфери заработува клиентот, самиот Раиола, клубот кој продава/купува „производ“.

Инсиње сега е во рацете на Раиола, а потоа, според пишувањата на „Corriere dello Sport“, ќе биде отворен неговиот пат кон ѕвездите. Манчестер Јунајтед или Јувентус би можеле да бидат неговата следна дестинација, а Раиола смета дека овој играч би можел да достигне вредност од 200 милиони евра.

Инсиње е дете на Наполи и тешко е да се засмили во дрес на некој друг италијански клуб, а прашање е и дали сака да го напушти Неапол. Всушност, дури и ако сака, тешко дека сега ќе избегне таква судбина кога со неговата кариера управува Раиола.