Парма го напаѓа врвот, стигна засилување од Серија А

 Парма веројатно го преживеа најголемиот пад во својата историја, кога беше исфрлена во Серија Д.

После неколку години се врати во Серија Б, а сега се обидуваат да се вратат во највисокиот ранг и сосема добро им иде во овој момент.

Од второто место кое води директно во Серија А ги дели само 4 бода, а јануари е вистинско време за засилување и обид недостатокот до крајот на сезоната да се надомести.

Прв кој стигна во Парма овој јануари е Марчело Гацола.

Овој фудбалер до сега играше за Сасуоло, во тој клуб е од 2012. година, искусен, има 32 години и сигурно дека добро ќе им дојде на Парма во борбата за највисок пласман.

Инаку, Гацола како младинец играл за Парма, но многу брзо го напуштил клубот.