Пандев не е сигурен дали сака да се пензионира: Да видам како ќе се развива ситуацијата

Подолго време се најавува дека македонскиот капитен Горан Пандев на крајот на оваа сезона ќе стави крај на кариерата.

Сепак, Пандев со последната изјава за италијанските медиуми остави простор и после оваа сезонаа да го гледаме на фудбалските терени.

„Не знам дали ја играм последната сезона. Ќе почекам да видам како ќе се развива ситуација“, изјави Пандев и продолжи:

„Фудбалот многу ќе ми недостасува кога ќе прекинам да играм. Сега сакам да помогнам и да играм во интерес на клубот. Не сакам да ни се случи сезона како минатата кога до последна минута не знаевме дали ќе играме во Серија А“, заврши македонскиот капитен.

Пандев во Италија како што е познато го носеше дресот на Наполи, Лацио и Интер. Со Интер го оствари најголемиот успех и освои „триплета“ (Серија А, Копа Италија, Лига на шампиони).