Палермо беше малер: Италија сега ќе ја пречека Македонија во друг град

Фудбалската Федерација на Италија го избра градот домаќин за квалификацискиот натпревар против Македонија во квалификациите за Европското првенство 2024 година.

Во месец ноември „Аѕурите“ ќе играат против Македонија на свој терен, тој натпревар е закажан за 17-ти тој месец. Италијанците се одлучија Рим да биде градот домаќин.

Последниот натпревар во Италија, Македонија го играше во Палермо и тој натпревар ќе остане запишан во нашата историја бидејќи се изборивме за финален бараж против Португалија. Одлувачкиот гол го постигна Александар Трајковски во самата завршница.

Пред натпреварот на „Олимпико“, Македонија ќе биде домаќин на Италија на 9-ти септември во Скопје.