Падна сигурен потпис во редовите на „Топчиите“

Фудбалерот на Арсенал, Мохамед Елнени потпиша денес нов повеќегодишен договор со екипата од Северен Лондон.

Елнени во јануари 2016. година од Базел премина во Арсенал за пет милиони фунти и одигра 65 натпревари за лодонскиот клуб.

Оваа сезона одигра 26 натпревари и постигна гол во победата од 6:0 против Бате Борисов во Лига Европа во декември.

„Мо е искусен интернационалец и беше дел од репрезентацијата на Египет која се пласираше на СП во Русија. Му честитаме на Мо за новиот договор и се радуваме на неговиот допринос за екопата во следните сезони“, се наведува на официјалниот сајт на Арсенал.

Египет ова лето ќе игра на Мундијалот првпат по 1990. година, а ќе биде во групата А заедно со домаќинот Русија, Саудиска Арабија и Уругвај.