Падна договор: Рамзи се враќа на Островот

Арон Рамзи пристигна во Јувентус како големо засилување, но не ги оправда во целост очекувањата во Торино.

Велшанецот е еден од најплатените фудбалери во тимот, па Јувентус сака да се ослободи од неговата висока плата.

За Рамзи интерес покажуваа неколку клубови од Премиер лигата, но најконкретен беше Глазгов Ренџерс.

Ренџерс постигна договор со Јувентус за позајмица на Рамзи, а „старата дама“ е подготвена да плати дури 30% од неговата плата до крајот на сезоната, пренесуваат италијанските медиуми.

Рамзи дал согласност за трансферот и до крајот на денот треба да стане играч на шкотскиот гигант.