Официјално: Јувентус и Аталанта ќе играат пред навивачи

Раководството на италијанската Серија А одлучи финалето од Купот на Италија да се игра со присуство на навивачи.

Јувентус и Аталанта на 19. мај ќе играат на „Мапеи“ стадионот во Реџо Емилија каде што ќе одлучат кој оваа година ќе биде шампион во Купот на Италија.

Управата на Серија А одлучи да дозволи присуство на навивачи од 20% од капацитетот на стадионот, па според тоа на трибините ќе има 4.000 навивачи. Двата тима ќе добијат по 2.000 влезници за своите навивачи, а секако дека ова е добар чекор кон враќањето на публиката на стадионите во Италија.

Ќе потсетиме Италија беше помеѓу најпогодените земји од коронавирусот и за целата земја ова сигурно ќе биде голема работа.

Финалето од купот се игра во среда од 21:00 часо, минатата сезона овој трофеј го освои екипата на Наполи.