Официјално: ФИФА го одложи баражот меѓу Шкотска и Украина

ФИФА ги одложи полу-финалните баражи за пласман на Светското првенство, помеѓу Шкотска и Украина, односно Велс и Австрија.

Украинците, поради војната  побараа натпреварот да биде одложен. ФИФА реши да го прифати нивното барање и како резултат на тоа го одложи и вториот бараж Велс-Австрија.

Одложувањето на мечот, ќе значи и нов датум за финалето во баражот бидејќи подобриот од мечот Шкотска – Украина, ќе игра против победникот меѓу Велс и Австрија.

За потсетување ФИФА и УЕФА ја суспензираа Русија од меѓународни натпреварувања, па во наредните денови ќе стане јасно дали ќе се игра баражот помеѓу Полска и Русија.