Норвич експресно се врати во Премиер лигата!

Mинатата сезона Норвич го загуби премиерлигашкиот статус, меѓутоа „канаринците“ по само една сезона во Чемпионшип се враќаат во англиската елита.

Норвич е лидер во Чемпионшип со 90 освоени бодови, осум повеќе од второпласираниот Вотфорд и дури 14 повеќе од третопласираниот Свонси. Брентфорд и Свонси денес одиграа реми, а тоа за Норвич значеше и математички обезбедување промоција.

Инаку, во Чемпионшип може да бидеме сведоци на една интересна ситуација. Имено, покрај Норвич во добра ситуација да се борат за пласман во Премиер лигата се Вотфорд и Бурнемоут. Ако и овие две екипи изборат промоција тогаш сите три екипи кои лани испаднаа експресно би се вратиле.