Официјално: Михтарјан го пропушта финалето во ЛЕ поради политички причини!

Арсенал официјално соопшти дека Хенрих Михтарјан нема да патува со тимот во Баку на финалето од Лига Европа.

Ерменцот стравува за својата безбедност и поради тоа Арсенал решил да не го поведе во Азербејџан во битката за трофејот со премиерлигашкиот ривал.

Причина е конфликтот кој го имаат Азербејџан и Ерменија, па фудбалерот има проблем да добие виза за пресметката во Баку.

И покрај тоа што од УЕФА најавија дека ќе сторат се што можат за да ги обезбедат потребните документи и да гарантираат за безбедноста на Ерменецот, Арсенал попладнево соопшти дека Хенрих Михтарјан нема да патува во Азербејџан.

„Разочарани сме што треба да соопштиме дека Хенрих Михтарјан нема да патува со тимот за финалето од Лига Европа против Челзи“, стои во соопштението на Арсенал.

BREAKING: Arsenal have confirmed midfielder Henrikh Mkhitaryan WILL NOT be in their Europa League final squad to face Chelsea next week

— Sky Sports News (@SkySportsNews) May 21, 2019