Официјално: Милан го претстави новиот напаѓач

Португалскиот репрезентативец Рафаел Леао и официјално е нов играч на италијанскиот гигант Милан.

20-годишниот Леао доаѓа на „Сан Сиро“ од Лил во трансфер тежок 35 милиони евра, од кои „росонерите“ 30 милиони ќе платат во кеш и во спротивен правец ќе го испратат младинецот Тиаго Џијало.

Леао минатата година блесна во дресот на Лил и го привлече вниманието на многу европски гиганти, а Милан беше најбрз и ја победи конкуренцијата.

Португалецот потпиша 5-годишен договор со „росонерите“ и ќе го носи дресот со број 17.