Официјално: Лорис во Тотенхем до 2022!

Францускиот репрезентативец голман, Уго Лорис денес стави птпис на нов договор со Тотенхем и се обврза на верност до 2022 година.

По Вертонген, Роуз, Дајер, Ериксен, Деле Али и Кејн, денес својот потпис на новиот договор со лондонскиот клуб го стави и Уго Лорис, со што се потврди добрата политика на клубот од северен Лондон.

„Горди сме што можеме да објавиме дека Уго Лорис потпиша нов договор со нашиот клуб и ќе остане дел од Тотенхем до јули 2022 година. Ова е нашиот Божиќен подарок за навивачите“, порачаа челниците на лондонскиот клуб.

Лорис пристигна на „Вајт Харт Лејн“ пред четири години за 15 милиони евра и веднаш се наметна како лидер на тимот и до сега за Тотенхем има одиграно 173 натпревари.