ОФИЦИЈАЛНО: Карло Анчелоти повеќе не е тренер на Баерн

Она што утрово го најави претседателот на германскиот гигант сега доби и официјална потврда, Карло Анчелоти повеќе не е тренер на Баерн Минхен.

Да потсетиме, утрово Румениге излезе со изјава во која истакна дека некој мора да сноси одговорност за големиот пораз од ПСЖ, а сега и го добивме одговорот кој е човекот кој плати „најскапа“ цена за вчерашниот пораз.

Баерн на итен состанок одлучи дека е време после 15 месеци Анчелоти да си замине. Во минатата сезона Анчелоти ја освои титулата во Бундеслигата, додека во Лигата на шампионите беше елиминран од Реал Мадрид кој подоцна стана и европски шампион.

Како најсериозен кандидат да го замени Анчелоти на клупата на Баерн до овој момент се споменуваше младиот тренер на Хофенхајм, Јулијан Нагелсман.