Официјално: Донарума одби да го продолжи договорот со Милан!

Сагата околу Џанлуиџу Донарума и продолжувањето на договорот со Милан денес конечно доби разврска.

Фудбалскиот клуб Милан денес на вонрдедна пресконференција соопшти дека Донарума ја одбил понудата и донел конечна одлука да го напушти клубот.

Донарума има договор со Милан до јуни 2018 година, а „росонерите“ му понудија договор до 2022 година со годшна плата од 4,5 милиони евра.

Денес неговиот менаџер Мино Раиола дојде во канелариите на клубот да ја соопшти одлуката, а веднаш потоа на вонредна пресконференција се појави генералниот директор Марко Фасоне и јавно соопшти дека младиот голман ја одбил понудата.