Официјално: Германскиот репрезентативец Рудигер е дел од ескадрилата на Челзи

Одбранбениот играч Антонио Рудигер од вчера и официјално е член на Челзи, соопшти англискиот шампион.

Германскиот репрезентативец потпиша петгодишен договор со премиерлигашот од „Стемфорд Бриџ“.

Челзи за овој трансфер на Рома и плати 34 милиони евра за обештетувањето на 24-годишниот фудбалер.

Пред Рома, Рудигер играше за Штутгарт. Во националниот дрес на Германија има одиграно 17 натпревари, а беше дел и од селекцијата која неодамна го освои Купот на конфедерации во Русија.