Официјално: Баерн си обезбеди ново засилување!

Баерн Минхен денес потврди дека потпишал договор со младиот голман Александер Нубел.

Нубел во овој момент е играч на Шалке, но не сакаше да го продолжи договорот кој му истекуваше на крајот на сезоната.

Утрово Баерн официјално потврди дека Нубел е нивни нов член и на тимот ќе му се приклучи на крајот на сезоната како слободен играч. Нубел со Баерн потпиша договор на пет години и се очекува во наредната сезона да му биде конкуренција на Мануел Ноер.

Јасно е дека со овој потег Баерн се подготвува за промена на голманската позиција. Мануел Ноер е во преговори со Баерн за продолжување на соработката, но засега преговорите не одат баш најдобро.

Нубел е производ на школата на Падерборн во Шалке пристигна летото 2015 година за сума од 600.000 евра.