Од „Етихад“ на „Кинг Пауер“: Кој ќе му се придружи на Варди?

Фудбалерот на Манчестер Сити, Ихеаначо е многу блиску до потпис со Лестер Сити.

Англиските медиуми пренесуваат дека Ихеаначо во моментов ги минува лекарските прегледи во Лестер, по што наскоро овој трансфер и ќе се официјализира.

„Лисиците“ како што се наведува на тимот од Манчестер ќе му исплатат 25 милиони фунти за услугите на 20-годишниот напаѓач.

Нигериецот во редовите на Манчестер Сити пристигна во 2014. година и одигра 64 натпревари на кои постигна 21 погодок, додека за репрезентацијата на Нигерија одигра 10 натпревари и постигна шест погодоци.

Ако Лестер го реализира овој трансфер, тоа за нив ќе биде четврто засилување, откако претходно пристигнаа Елдин Јакуповиќ, Хери Магер и Висенте Ибора.