Одигра само 4 минути за Јуве, па го продадоа 20 милиони

Италијанскиот шампион Јувентус изминатите години покажа дека одлично тргнува на трансфер пазарот, особено кога се продажбите во прашање.

Потврда за тоа е и денешниот трансфер на 21-годишниот играч за врска Роландо Мандрагора, кој беше продаден во Удинезе за 20 милиони евра.

Интересно е што Мандрагона има само еден настап за Јувентус во 2017 година и на теренот помина само 4 минути. Минатата сезона играше на позајмица во Кротоне, па дури и заработи повик за репрезентацијата.

Јувентус и Удинезе денес постигнаа договор за трансфер тежок 20 милиони евра, меѓутоа „старата дама“ ќе има можност да го врати фудбалерот до 2020 година за 26 милиони евра.

Притоа, доколку Удинезе во иднина го продаде фудбалерот за сума поголема од 20 милиони евра, Јувентус ќе има процент.