Ова ќе биде првото засилување на Алегри во Арсенал!

Англиските медиуми денес соопштија дека раководството на Арсенал веќе донело конечна одлука и на крајот на сезоната Арсен Венгер ќе го замени со Макс Алегри.

Наводно „топџиите“ веќе постигнале комплетен договор со Италијанецот и истиот наскоро ќе биде официјализиран.

Оваа вест беше потврдена и од страна на италијанските медиуми кои пак тврдат дека Алегри веќе го известил Јувентус и почнал да размислува за летните засилување во својот нов тим.

Наводно, најголема желба на Алегри ќе биде да ги засили средниот ред и одбраната на „топџиите“, а прва мета е играчот на Лацио, Сергеј Милинковиќ-Савиќ.

Милинковиќ-Савиќ игра извонредно оваа сезона во Серија А каде го привлече вниманието на многу големи клубови, а Алегри смета дека ќе биде идеално засилување за Арсенал.

Овој 22-годишен српски фудбалер во моментов преговара за нов договор со Лацио, но јасно е дека нема да одбие покана од еден од најголемите англиски клубови.