Ова се трите клуба кои можат да ги заменет Барса, Реал и Јувентус во ЛШ

УЕФА денес објави дека и официјално е отворена дисциплинска постапка против Реал Мадрид, Барселона и Јувентус, клубовите кои се посочуваа како основачи на т.н Суперлига која не се реализираше.

Најавите се дека овие три клуба можат да бидат исфрлени од Лигата на шампионите. Шпанското радио „Коп“ пренесува и кои клубови би ги замениле ако тоа навистина се случи.

Според информациите на овој медиум на местото на трите европски гигант можат да дојдат Реал Сосиедад, Бетис и Наполи. Овие клубови во Шпанија и Италија завршија под четвртото место, кое последно води во ЛШ.

Ќе потсетиме, останатите девет клубови кои се откажаа од Суперлигата беа веќе казнети и за нив построги санкции ќе нема, но ситуацијата со Барса, Реал и Јувентус е поинаква.