Ова е најголемата трансфер желба на Интер!

Денешното издание на „Газета дело Спорт“ пренесува дека Интер има сериозни планови за наредната сезона и ја открива најголемата трансфер желба на „нероаѕурите“.

Имено, готово сигурно на тренерското столче ќе остане Стефано Пиоли, кој од раководството побарал да му биде донесен Анхел ди Марија од ПСЖ.

Ди Марија лошо ја започна сезоната во Париз, но на големи натпревари секогаш ја покажува својата класа, па Интер ќе направи се за да го донесе во Милано.

Наводно и Аргентинецот не е задоволен од животот во Париз и сака промена на средината, а во Интер има многу сонародници и пријатели.

Сепак, весникот тврди дека доколку „нероаѕурите“ не успеат да дојдат до потписот на Ди Марија, тогаш ќе се насочат кон Дрис Мертенс од Наполи или Хамес Родригез од Реал Мадрид.