Ноер успешно опериран – еве кога ќе се врати на терените!

Голманот на Баерн Минхен, Мануел Ноер денес беше опериран и од терените ќе отсуствува се до јануари 2018 година.

Баерн Минхен денес потврди дека операцијата поминала успешно и дека неговото стапало добро се опоравува, но нема да може да игра се до јануари наредната година.

„Ова е ужасна вест за нас. Хируршката интервенција е успешна и сега тоа е најважното нешто. Се надевам дека ќе го видам повторно на голот во јануари“, изјави извршниот директор на Баерн, Карл-Хајнц Румениге.

Ноер заработи фрактура на левото стапало на еден од тренизите, што всушност беше само обновување на старата повреда, па мораше да биде опериран.