Ново изненадување во плеј-офот: Лејкерси поразени од Портланд ?

Тимот на Портланд ги изненади Лејкерси во првиот натпревар од плеј-офот победувајќи ги со резултат 100:93.

Ова е веќе второ поголемо изненадување затоа што вчера порано нешто слично му се случи и на Милвоки кој изгуби од осмопласираниот тим на истокот. Портланд водеше скоро во текот на целиот натпревар и на крајот успеаа да слават.

Многумина помислија дека кога на стартот од последната четвртина Лејкерси направија пресврт и поведоа со 78:84 ќе следи пад на Блејзерси, но тоа не се случи. Лилард, Меколум, Ентони и Трент тогаш почнаа да погодуваат се, па Портланд се врати во водство и запиша триумф.

На Лејкерси не им помогнаа ниту трипл даблот на Леброн (23 поени, 17 скокови и 16 асистенции) и дабл-даблот на Ентони Дејвис од 28 поени и 11 скокови. Во редовите на победничкиот тим најефикасен беше Лилард со 34 поени, Меколум уфрли 21, а Ентони уфрли 11 поени и 10 скокови.

Во вториот натпревар изминатата ноќ Хјусон славеше против Оклахома со 123:108.