Нови лоши вести за Рома

Рома утрово објави дека Лоренцо Пелегрини ќе биде надвор од теренот дури два месеци поради повреда, но тоа не е крај за проблемите.

Пелегрини се повреди на натпреварот против Лече кој Рома го доби со 1:0 со голот на Един Џеко. Играчот за врска на Рома го повреди стапалото и утринава беше опериран и ќе биде надвор од теренот околу два месеци. Но, тоа не е крај за проблемите на Рома, бидејќи за само неколку часа подоцна повторно се огласи на социјалните мрежи. Римксиот клуб објави дека повреда против Лече заработил и Михтаријан.

Михтаријан се здоби со повреда на бутот, а на утрешните прегледи откриено е дека ќе биде надвор од теренот три недели. Тој ќе го пропушти натпреварот од Лигата на Европа против Волфсбург и натпреварот во Серија А против Каљари. Се очекува Михтаријан да се врати по репрезентативната пауза, а тоа значи дека ниту селекторот на Арменија нема да може да смета на него во следните натпревари за квалификации за Европското првенство.