Нова бура во Шпанија: Перез поткупуваше судии уште пред Барселона!

Изминатиот период во Шпанија е преполн со скандали, а сега во центарот на вниманието се најде првиот човек на Реал Мадрид, Флорентино Перез.

Во моменти кога Барселона води правна битка и е обвинета за поткуп во „случајот Негреира“, пристигна обвинување од поранешниот Комесар за натпреварување во Ла Лига кон претседателот на Реал Мадрид.

Хозе Мануел Валејхо во изјава за РАЦ1 го обвини Перез дека Реал Мадрид со огромни средства поткупувал судии уште пред Барселона.

„Сега сите зборуваат за случајот со Барселона и истрагата која е во тек. Но, што е со Флорентино Перез? Јас знам дека тој подмитуваше судии уште пред Барселона, знаат и други, меѓутоа се крие затоа што никој ништо не му може. Навистина е невозможно да се отвори тужба против претседателот на Реал Мадрид и не е важно со какви докази располагате“, тврди Валјехо.

По изјавата на Валјехо набрзо стигна и одговор од Реал Мадрид кој возврати со тужба.