Новата ѕвезда е родена: Го споредуваат со Озил, поефикасен е од напаѓачите!

Во убедливата победа на У19 репрезентацијата на Германија над Белорусија (5:1), Каи Хаверц со капитенската трака на раката постигна четири гола и забележа асистенција.

Инетресно, овој 18-годишен фудбалер не е напаѓач, туку офанзивен играч за врска. По стилот на игра најмногу потсетува на Месут Озил и германските медиуми веќе го прогласија за негов наследник.

Хеверц минатата сезона дебитираше за првиот тим на Баер Леверкузен и запиша 28 настапи во сите натпреварувања постигнувајќи 4 гола, сите четири во Бундеслигата. Во исто време одеше и на училиште и матурираше.

Во тековната сезона одигра 3 натпревари за „фармацевтите“, а експертите немаат сомнеж дека станува збор за новата голема ѕвезда на светскиот фудбал.