Младиот напаѓач на Борусија, Осман Дембеле го напушти утринава тренингот на Борусија Дортмунд за да го заврши трансферот во Барселона.
Овој 20-годишен фудбалер самоволно ја напушти екипата, утринава не тренираше, а од раководството не знаеја каде се наоѓа.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Набрзо, француските медиуми јавија дека Дембеле е во Париз каде чека тимот да му даде зелено светло за заминување во Барселона.
Сепак, германскиот великан денес објави дека биле оддржани преговори со каталонскиот тим околу евентуалниот трансфер, но дека договор не е постигнат.
„Клубот оддржа разговори со Барселона околу потенцијалниот трансфер на Осман Дембеле во овој тим. Во текот на состанокот, претставниците на Барселона дадоа понуда која не им одговара на вистинските вредности на играчите и останатите економски вредности на денешниот пазар. Одлучивме понудата да ја одбиеме. Не постои друга понута и засега Дембеле останува наш играч“, беше соопштено од страна на клубот.
Дембеле така засега ќе остане без трансфер во редовите на шпанскиот великан и раководството на тимот очекува негово враќање на тренинзите со „Милионерите“.
Учество во игри на среќа е дозволено за лица со 18+ години. Играј одговорно!