„Никогаш не би го отпишал Ливерпул од борбата за титулата во Премиер лигата“

Легендата на Арсенал, Јан Рајт во овој момент работи како стручен аналитичар за фудбалските случувања на Островот.

Рајт сега даде и свое видување за трката за титулата во Премиер лигата. Манчестер Сити во овој момент има девет бодови предност пред Ливерпул на врвот и дел од јавноста веќе ги смета „граѓаните“ за „старо-нови“ шампиони на Англија.

Сепак, Рајт верува дека Ливерпул може да го возврати ударот и да се искачи на првото место на табелата.

„Се уште мислам дека Ливерпул има можност да ја намали предноста. Дури и навивам за нив, мислам дека добро ќе поминат и во Лигата на шампионите. Никогаш не би го отпишал Ливерпул“, изјави Рајт.